Qazannyń 24-i - «Baıqońyr» ǵarysh aılaǵynda qaza tapqan synaqshylardy eske alý kúni
AIQOŃYR. Qazannyń 23-i. QazAqparat /Sara Qabıqyzy/ - Erteń, qazannyń 24-i kúni - «Baıqońyr» ǵarysh aılaǵynda júzdegen adamnyń ómirin qıǵan qaıǵyly oqıǵaǵa 50 jyl bolady.
1960-shy jyly osy kúni M.ıAngel qurastyrǵan R-16 jańa qurlyqaralyq ballıstıkalyq zymyran synaq barysynda apatqa ushyraǵan bolatyn. Elektrlik synaq júrgizý sátinde janarmaı toltyrylǵan zymyrannyń 2-inshi satydaǵy qozǵaltqyshy júıege eriksiz qosylyp ketip, sonyń saldarynan órshigen órtten jáne janarmaı gazynan ýlanǵan 76 áskerı qyzmetker men ónerkásip ókilderi opat boldy. Olardyń qatarynda artıllerııanyń Bas marshaly M.Nedelın, polıgonnan synaq jetekshileri polkovnıkter A.Nosov pen E.Ostashevter boldy.
Al 1963 jyly qazannyń 24-inde ǵarysh aılaǵynda taǵy bir qaıǵyly oqıǵa oryn aldy. «R-9A» zymyranyn synaqtan ótkizý kezinde shahta-ushyrý qondyrǵysynda órt shyǵyp, apat saldarynan 8 adam qaza tapqan edi.
Jyl saıyn qazannyń 24-i - «Baıqońyr» ǵarysh aılaǵynda qaza tapqan synaqshylardy eske alý kúni retinde atap ótiledi.
