Qazannyń alǵashqy kúnderinde qaı óńirlerde qar aralas jańbyr jaýady
ASTANA. KAZINFORM — 1-3 qazan kúnderi atmosferalyq fronttardyń áserinen Qazaqstannyń basym bóliginde aýa raıy turaqsyz bolady, dep habarlaıdy «Qazgıdromet» RMK baspasóz qyzmeti.
Sınoptıkterdiń boljamynsha, el aýmaǵynyń kóp bóliginde jańbyr jaýady. Batys jáne soltústik-batys óńirlerde jańbyr men qar aralas jaýyn-shashyn kútiledi. Sonymen qatar jel kúsheıedi.
Eldiń batysynda aýa temperatýrasy túnde 1-6 gradýs aıazǵa deıin, kúndiz +3+8 gradýsqa deıin tómendeıdi.
Soltústik-batys óńirlerde kúndizgi aýa temperatýrasy +15+25 gradýstan +5+15 gradýsqa deıin tómendeıdi.
Qazaqstannyń soltústigi, shyǵysy jáne ortalyǵynda aýa temperatýrasy negizinen +13+23 gradýs shamasynda bolady.
Al ońtústik jáne ońtústik-shyǵys óńirlerde kúndiz aýa temperatýrasy +20+25 gradýsqa deıin kóteriledi. Taýly aımaqtarda aýa temperatýrasy +10+15 gradýs bolady.
Osyǵan deıin Ekologııa jáne tabıǵı resýrstar mınıstri Álibek Qýantyrov Úkimette aldaǵy aýa raıy boljamyn aıtty.
