Qazannyń alǵashqy aptasy kún sýytady: qar, kóktaıǵaq jáne burqasyn boljandy
ASTANA. KAZINFORM — 6–8 qazanda Qazaqstannyń basym bóliginde aýa raıy turaqsyz bolady. Eldiń soltústik-batysy, soltústigi men shyǵysynda jańbyr aralas qar jaýyp, kóktaıǵaq pen burqasyn bolýy múmkin. Respýblıka boıynsha jel kúsheıedi. Bul týraly «Qazgıdromet» RMK málim etti.
— 6–8 qazanda atmosferalyq fronttardyń áserinen Qazaqstannyń basym bóliginde aýa raıy turaqsyz bolady. Jańbyr jaýady, eldiń soltústik-batysynda, soltústiginde jáne shyǵysynda jańbyr men qar túrindegi jaýyn-shashyn kútiledi. Kóktaıǵaq qubylystary, burqasyn jáne ekpindi jel boljanady. Respýblıka boıynsha jel kúsheıip, túnde jáne tańerteń tuman túsedi, — delingen habarlamada.
Aýa temperatýrasy eldiń batysynda túnde +2+12°S-qa deıin, kúndiz +17+22°S-qa deıin joǵarylaıdy.
Soltústik-batysta, soltústikte túngi aýa temperatýrasy -1-6°S-tan +3+13°S-qa deıin, kúndiz 0, +5°S-tan +5+20°S-qa deıin kóteriledi.
Shyǵysta jáne ortalyqta túnde aýa temperatýrasy negizinen 0, +7°S, kúndiz +2+15°S bolady.
Ońtústikte jáne ońtústik-shyǵysta túngi aýa temperatýrasy +2+8°S-tan +5+10°S-qa deıin joǵarylaıdy, taýly aýdandarda 1-3°S aıazdan 0, +5°S-qa deıin bolady. Kúndiz aýa temperatýrasy +12+17°S-tan +17+22°S-qa deıin, taýly aýdandarda +4+9°S-tan +9+14°S-qa deıin joǵarylaıdy.
Eske sala keteıik, buǵan deıin Qazaqstannyń 16 oblysynda qatty jaýyn-shashyn, tuman, kóktaıǵaq, burqasyn jáne ekpini 28 m/s-qa deıin jetetin jelge baılanysty aýa raıyna qatysty eskertý jarııalanǵan bolatyn.
