Qazandaǵy mektepte bolǵan atys: Tatarstanda aza tutý kúni jarııalady

QAZAN. TATAR-INFORM-QazAqparat – Tatarstan Prezıdenti Rýstam Mınnıhanovtyń tapsyrmasy boıynsha respýblıka úkimeti №175 Qazan gımnazııasynda bolǵan qaıǵyly jaǵdaıdan qaza tapqandar men zardap shekkenderdiń otbasylaryna ótemaqy taǵaıyndaıdy. Bul týraly Tatarstan Respýblıkasy Prezıdentiniń baspasóz qyzmetiniń jetekshisi Lılııa Galımova málim etti, dep habarlaıdy QazAqparat Tatar-ınform aqparat agenttigine silteme jasap.

Sońǵy málimetter boıynsha №175 Qazan gımnazııasynda bolǵan atys kezinde 8 adam qaza tapty, 21 adam túrli aýrýhanada jatyr.

Qaıǵyly jaǵdaıǵa baılanysty Tatarstan Prezıdenti Rýstam Mınnıhanov 12 mamyrdy respýblıkada aza tutý kúni dep jarııalady.

Eske sala keteıik, 11 mamyrda Qazan qalasyndaǵy Faızı kóshesindegi mektepte belgisiz eki adam oq jaýdyrǵan bolatyn.

Buǵan deıin atys kezinde 8 adam qaza taýyp, taǵy 21 adam zardap shekkeni habarlaǵan edi.