Qazandaǵy qajylyq maýsymynan Saýd Arabııasyna qansha paıda túsetini belgili boldy
ASTANA. QazAqparat - Aldyn-ala esepteýler boıynsha aldaǵy qazan aıynda bolatyn qajylyq maýsymy kezinde Saýd Arabııasy eline túsetin paıda mólsheri belgili boldy.
Zertteý nátıjelerine sáıkes, bul jyly qasıetti mekenniń qojaıyndary qajylyq maýsymy kezinde 8 500 000 000 AQSh dollary kóleminde paıda kórmek. Málimetterge súıener bolsaq, bıylǵy jyly Mekke shaharyna keletinderdiń sany 2 000 000 adamdy qurap otyr.
Zertteý jumystary bıylǵy jyly 1 980 000 musylmannyń, onyń ishinde 1 380 000-y (70%) shetelderden keletini týraly málimetter negizinde jasalǵan. Osy oraıda, shetelderden kelgen paryzyn óteýshilerdiń bes kúnge sozylatyn qajylyq rásimi kezinde orta eseppen 17 381 rıal jumsaıtyny belgili boldy. Al jergilikti musylmandarda bul kórsetkish 4 948 rıaldy quraıdy, dep habarlaıdy Qazaqstan musylmandary dinı basqarmasynan.
