Qazandaǵy ÁCh jeńimpazy, amerıkalyq júzýshi altyn medalin jankúıer balaǵa syılady
ASTANA. QazAqparat - AQSh quramasynyń sapynda Qazandaǵy sý túrlerinen ÁCh-da altyn enshilegen Raıan Lohte óz medalin jankúıer balaǵa syılady.
Bul týraly ol Twitter-ge jazdy, dep habarlaıdy Lenta.ru.
«Álemdik rekord ornatyp alǵan óz medalimdi osy bir aıryqsha jankúıerge meni jáne AQSh quramasyn qoldaǵany úshin berdim», dep jazdy sportshy jáne ony balaǵa tapsyryp jatqan sáti túsirilgen sýretti qosa jarııalady.
8 tamyzda AQSh quramasy 4h1 estafetalyq jarysta jeńimpaz atandy.
Raıan Lohte, Natan Edrıan, Sımone Manýel jáne Mıssı Franklın osy qashyqtyqty 3 mınýt 23,05 sekýndta júzip ótip, birinshi oryndy enshilegen edi. Ekinshi orynǵa Nıderlandy quramasy (+0,05 sekýnd) ıe bolsa, Kanady komandasy (+0,54) qolany oljalady.
