Qazanda zeınetkerlerdi óltirýmen aınalysqan qylmysker izdestirilýde
ASTANA. 11 qazan. QazAqparat - Tatarstannyń tergeý komıteti Qazan qalasynyń zeınetkerlerin óltirgen jáne tonaǵan qylmys jónindegi birneshe isti biriktirdi.
Bul týraly búgin Tergeý komıtetiniń Tatarstan boıynsha basqarmasynyń saıtynda habarlandy.
Tergeý nusqasy boınsha qalada birneshe adam óltirgen qanquıly qylmysker júr. Tonaýshy jáne kisi óltirýshi 2011 jyldyń kókteminen beri qylmystyq birneshe áreketterdi júzege asyrǵan. Olar jeti keıýanaǵa shabýyl jasaǵan, olardyń bireýi ǵana tiri qalǵan, dep habarlaıdy Intefaks.
Sońǵy óltirilgen zeınetker áıeldiń denesi 8 naýryz kúni tabyldy. Tyýstary 82 jastaǵy keıýanany merekemen quttyqtaýǵa kelgen, biraq ol esik ashpaǵan. Týystary kiltti kórshilerdegi qosalqy ashqyshpen ashyp kirgen. Zeınetker halattyń belbeýimen býyndyrylyp óltirilgen.
Páterdegi múlikter shashylyp jatqan. Qylmysker aqsha izdegen, biraq qupııa jerge jasyrylǵan aqshany taba almaǵan.
Tergeýshiler kisi óltirýge kúdiktiniń belgilerin anyqtady. Ol 30-35 jas shamasynda, boıy 170-175 santımetr. Tergeý komıtetiniń saıtynda er adamnyń shamamen jasalǵan sýreti berilgen
Birneshe kisi óltirdi dep kúdik keltirilip otyrǵan qylmyskerdiń jasaǵan qylmystarynyń tolyq tizimi ázirge jarııalanǵan joq. 2011 jylǵy jeltoqsanda «Kazanskıe vedomstı» gazeti 88 jastaǵy keıýananyń jáne onyń 56 jastaǵy qyzynyń óltirilgenin jazǵan bolatyn.
