Qazanda tóreshilerdiń shalaǵaılyǵy barynsha baıqaldy - Ýnıversıadanyń kúmis júldegeri E.Oskanov
ASTANA. 12 shilde. QazAqparat - Tatarstannyń Qazan qalasynda ótip jatqan XXVII Jazǵy ýnıversıadany uıymdastyrý deńgeıi joǵary boldy.
Alaıda, tóreshilerdiń shalaǵaılyǵy barynsha baıqaldy. Bul pikirdi búgin jýrnalısterge suhbat bergen Qazan Ýnıversıadasynyń kúmis júldegeri, qazaqstandyq balýan Eskarhan Oskanov bildirdi.
«Sóz joq, Qazan qalasyndaǵy Ýnıversıada joǵary deńgeıde ótip jatyr. Bizge atalǵan halyqaralyq dodany uıymdastyrý jaǵy qatty unady. Endi, fınalda kilem ıesimen kezdeskennen keıin ony barynsha jeńý kerek boldy. Árıne, men keıbir tehnıkalyq qatelikterge jol berdim. Alaıda tóreshilerdiń de shalaǵaılyǵy barynsha baıqaldy. Olar maǵan eki upaı beriletin jerde qarsylasyma bir upaı belgilep otyrdy. Sosyn múldem upaı berilmeıtin kezde de óz jerlesterine upaı berip jatty», - deıdi E.Oskanov.
Aıta ketken jón, fınalda E.Oskanov reseılik Renat Ahmetshınmen kezdesip, 0:4 esebimen utylyp qaldy.
