Qazanda respýblıkalyq avtojoldardyń jańa ýchaskelerin qaıta salý úshin jumys kúshin ázirleýge kirisý josparlanýda
ASTANA. 1 qazan. QazAqparat - QR Kólik jáne kommýnıkatsııa mınıstrliginiń Avtomobıl joldary komıtetiniń aqparatyna sáıkes, respýblıkalyq mańyzdaǵy joldardyń jańa ýchaskelerin qaıta salý boıynsha birqatar baıqaýlar júrgizilýde.
QR Kólik jáne kommýnıkatsııa mınıstrliginiń málimetenshe, ústimizdegi aıda merdiger anyqtalysymen uzyndyǵy 64 shaqyrymdy quraıtyn «Almaty-Óskemen» avtojolynyń Almaty oblysyndaǵy Taldyqorǵan jáne Qapshaǵaı qalalary arasyndaǵy ýchaskesin qaıta salýǵa daıyndyq jumystaryn bastaý josparlanýda. Qazirgi kezde atalǵan ýchaskede kólik qozǵalysynyń qarqyny joǵary jáne apatty oqıǵalar jıi oryn alatyndyǵyna baılanysty atalǵan avtojoldy 4 jolaqtan turatyn 1-shi tehnıkalyq dárejege sáıkestendirý týraly sheshim qabyldandy. Qaıta salý jumystary aıaqtalǵan soń, atalǵan ýchaskede qaıǵyly oqıǵaǵa ákelip soqtyratyn jol-kólik apattarynyń sany azaıady dep kútilýde.
Aǵymdaǵy jyldyń sońyna deıin Aqtóbe jáne Batys Qazaqstan oblystaryndaǵy «RF shekarasy - Oral - Aqtóbe» avtojolynyń uzyndyǵy 33 shaqyrymdy quraıtyn ýchaskesin qaıta salýǵa daıyndyq jumystaryn bastaý josparlanýda. Atalǵan avtomobıl joly ótken júzjyldyqtyń 70-shi jyldary salynǵan bolatyn. Sol ýaqyttan beri joldyń sapasy nasharlap, Aqtóbe men Oral qalalary arasyndaǵy jol júrý ýaqyty 12 saǵatqa deıin uzarǵan. 2013 jyly «RF shekarasy - Oral - Aqtóbe» ýchaskesindegi qaıta salý jumystaryn aıaqtaǵan soń, Aqtóbe men Oral qalalary arasyndaǵy jol júrý ýaqyty 80 saǵ/km eseptegende 2 esege qysqaryp, 5-6 saǵatty quraıtyn bolady.
Sonymen birge, Shyǵys Qazaqstan oblysyndaǵy «Taskesken - Baqty» avtojolynyń uzyndyǵy 40 shaqyrymdy quraıtyn ýchaskesin qaıta salýǵa daıyndyq jumystaryn bastaý kózdelýde. Qazirgi ýaqytta atalǵan avtojol jabyndysynyń biraz bóligi qozǵalys qarqynynan túsetin salmaqqa sáıkes kelmeıdi.
Atyraý oblysy men Mańǵystaý oblysyn qosatyn jalǵyz joldyń sapasy da syn kótermeıdi. Búgingi kúni Azııa Damý Bankiniń qarjysyn tartý arqyly Mańǵystaý oblysyndaǵy uzyndyǵy 200 shaqyrymdy quraıtyn «Manasha-Shetpe» ýchaskesin qaıta salý jumystary júrgizilip jatqan bolsa, «Shetpe-Aqtaý» ýchaskesin qaıta salý jumystaryna ADB 2 nesıesin tartý boıynsha jumystar júrgizilýde.
Budan ózge, aǵymdaǵy jyly uzyndyǵy 58 shaqyrym bolatyn «Saı-Ótes - Razezd № 10» ýchaskesindegi jumystardy bastaý da josparda bar.
«Omby-Pavlodar-Maıqapshaǵaı» avtojolynyń Semeı jáne Pavlodar qalalary arasyndaǵy uzyndyǵy 63 shaqyrym bolatyn ýchaskesin qaıta salý úshin merdiger kompanııany anyqtaýda baıqaý protsedýralary júrgizilýde. Atalǵan ýchaskeni qaıta salý jumystaryn aǵymdaǵy jyly bastaý josparlanǵan.
2012 jylǵy qazanda «Astana-Qaraǵandy» avtojolynyń «Astana-Temirtaý» ýchaskesin jobalaýshy anyqtalǵan bolatyn. Atalǵan avtojoldaǵy qozǵalys qarqyny men apatty jaǵdaıdyń joǵary bolýyna baılanysty atalǵan avtojoldy 4 jolaqtan turatyn 1-shi tehnıkalyq dárejege sáıkes keńeıtý kózdelýde. Sondaı-aq, joldy bólý jolaǵynda tosqaýyl qondyrǵylary ornatylady. Bul avtokólik quraldarynyń qarsy baǵytqa ótip ketpeýin boldyrmaýǵa septigin tıgizedi.
