Qazanda Reseı tarıhynda alǵash ret táýlik boıy Quran oqylady
ASTANA. QazAqparat - Tatarstannyń bas meshiti «Qul Sharıfte» 2 qańtardan bastap táýlik boıy quran oqylady. Endi qasıetti kitaptyń súreleri meshitte máńgi aıtylyp turmaq, dep habarlady TASS Tatarstan musylmandary dinı basqarmasynyń baspasóz hatshysy Ahmad Halıkovke silteme jasap.
«Bul búkil Reseı úshin biregeı oqıǵa, óıtkeni elimizde Qurandy táýlik boıy oqý alǵash ret uıymdastyrylyp otyr. Kún saıyn 24 saǵat boıy tatarstandyq hafızder elimizdiń ıgiligi men gúldenýi úshin jyldyń barlyq kezeńderinde Quran mátinin oqıdy», - dedi Halıkov. Onyń aıtýynsha, Qazan Muhammed paıǵambar jetkizgen Qurannyń qasıetti súrelerin táýlik boıy oqıtyn Ystambuldan keıingi álemdegi ekinshi qala boldy».
Búgin túnde búkil álem musylmandary Máýlit-án-Nábı merekesin - Muhammed paıǵambardyń týǵan kúnin atap ótedi. Qurandy táýlik boıy oqý - bizdiń paıǵambarymyzǵa degen qurmetimiz», dep atap kórsetti Halıkov.
