Qazanda elimizdegi ınflıatsııa 0,9 paıyzdy qurady
ASTANA. 1 qarasha. QazAqparat - Aǵymdaǵy jyldyń qazan aıynda Qazaqstan Respýblıkasyndaǵy ınflıatsııa 0,9 paıyzdy qurady. Bul aqparatty QR Statıstıka agenttiginiń baspasóz qyzmeti habarlap otyr.
Vedomstvonyń atap ótýinshe, ótken aıda azyq-túlik taýarlaryna baǵa 1,3, azyq-túlik emes taýarlaryna - 0,6, aqyly qyzmet kórsetýlerge - 0,7 paıyzǵa ósken.
Ótken aıda baǵanyń ósýi nan jáne jarma ónimderine 2,2, al qaraqumyq jarmasyna - 12,8, unǵa - 4, sókke - 2,6, nanǵa - 2,3, makaron ónimderine - 2 paıyz kóleminde belgilendi. Sonymen qatar baǵa jumyrtqaǵa 6,2, maı jáne tońmaıǵa - 3,4, jańa saýylǵan sútke - 2,4, qantqa - 1,6, jemister men kókónisterge - 1,5, et ónimderine - 0,6 paıyzǵa joǵarylady.
Baǵanyń ósýi suıytylǵan gazǵa 2,5, qatty otynǵa - 1,5, shyny jáne qysh buıymdarǵa - 0,9, kıim men aıaq kıimge - 0,5, farmatsevtıka preparattaryna - 0,3 paıyzdy qurady. Benzın 1,5, dızel otyny - 2,9 paıyzǵa qymbattady.
Ambýlatorııalyq qyzmetter 1,8, joǵary bilim berý qyzmetteri - 1, meıramhanalar men qonaq úılerdiń qyzmetteri - 0,9, kólik qyzmetteri - 0,8, mádenıet qyzmetteri - 0,5 paıyzǵa arttyp otyr.
Turǵyn úı kommýnaldyq qyzmet kórsetýler salasynda tarıfter bólinetin jeliler boıynsha tasymaldanatyn gazǵa 2,6, ortalyqtan jylytýǵa - 1,7, ystyq sýǵa - 0,6, elektr energııaǵa - 0,2 paıyzǵa artty.
