Qazanda «Batys» óńirlik qolbasshylyǵynyń orkestri qazaq ánderin oryndady
«Batys» óńirlik qolbasshylyǵynyń baspasóz qyzmetinen maıor Erbolat Sultanovtyń habarlaǵanyndaı, buǵan deıin búkilreseılik deńgeıde ótip kelgen atalmysh shara bıyl «Batys» óńirlik qolbasshylyǵynyń orkestri qatysqannan keıin halyqaralyq ataǵyn ıelendi.
«Qazan Kremli» mýzeı-qoryǵynda eki kúnge sozylǵan festıvalge Reseı qalalarynan áskerı ujymdarmen qatar azamattyq mýzykanttar da qatysty. Qul-Shárip meshiti aldyndaǵy alańda ótken festıvaldiń ashylý saltanatynda «Qazan Kremli» mýzeı-qoryǵynyń dırektory Zılıa Valeeva, Tatarstan Respýblıkasy ІІM mádenı ortalyǵy orkestriniń dırıjery, Tatarstannyń halyq ártisi, ishki qyzmet podpolkovnıgi Marat Qadyrov, QR Ulttyq ulany bas qolbasshylyǵy orkestr qyzmeti ortalyǵynyń bastyǵy, podpolkovnık Ashat Muhamedıarov atalmysh sharanyń otanshyl rýhty kóterip, dostyqty nasıhattaýdaǵy mańyzy zor ekendigin atap kórsetti.
Qul-Shárip meshiti aldyndaǵy alańda bolǵan plats-kontsertte «Batys» óńirlik qolbasshylyǵynyń qurama orkestri de óner kórsetip, qazaq ánderin áýeletip, ózge de týyndylardy oryndady.
