«Qazanat» ıppodromynda ótetin BaiQymyz-2026 festıvaline qalaı jetýge bolady
ASTANA. KAZINFORM — Astanada 11-12 shilde kúnderi qymyzdan dám tatý, kontsertter, ulttyq oıyndar, kórmeler men etnomádenı is-sharalardyń basyn qosqan BaiQymyz-2026 halyqaralyq gastronomııalyq festıvali ótedi, dep habarlaıdy qala ákimdiginiń resmı saıty.
Festıval ótetin orynǵa turǵyndar men qala qonaqtarynyń yńǵaıly ári jyldam jetýi úshin qoǵamdyq kólikpen qatynaýy, sondaı-aq múmkindiginshe jeke avtokólikpen kelmegeni jón.
Osyǵan baılanysty 7-13 shilde aralyǵynda № 18, № 37 jáne № 303 avtobýs baǵyttarynyń qozǵalys syzbasy ýaqytsha ózgeredi. Bul kezeńde avtobýstar festıval ótetin «Qazanat» ıppodromyna deıin qatynaıdy. Al festıval ótetin 11 jáne 12 shilde kúnderi atalǵan baǵyttar uzartylǵan rejımde jumys istep, avtobýstar saǵat 23:00–ge deıin qatynaıdy.
Eske salaıyq, BaiQymyz-2026 festıvali 11-12 shildede «Qazanat» ıppodromynda ótedi. Baǵdarlama aıasynda qymyzdyń san túrinen dám tatý, «Úzdik qymyz» halyqaralyq baıqaýy, jylqynyń ulttyq tuqymdary kórmesi, qolóner jármeńkesi, qazaqstandyq estrada juldyzdarynyń qatysýymen kontsertter, ulttyq jáne zamanaýı sport túrlerinen jarystar, sondaı-aq basqa da mádenı-kópshilik is-sharalar uıymdastyrylady.
Budan buryn Astana kúnine oraı Ulttyq statıstıka bıýrosynyń baspasóz qyzmeti elimizdiń bas qalasy týraly 20 qyzyqty derekti usyndy.
