Qazan-jeltoqsan aılarynda AI-92 markaly 272 myń tonna benzın jetkiziledi

ASTANA. QazAqparat - Qazan-jeltoqsan aılarynda elimizge AI-92 markaly 272 myń tonna benzın jetkiziledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Energetıka birinshi vıtse-mınıstri Uzaqbaı Qarabalın málim etti.

Onyń aıtýynsha, «QazMunaıGaz» kompanııasy aǵymdaǵy jyldyń maýsym men qyrkúıek aralyǵynda elimizdiń ishki naryǵyna AI-92 markaly 68,8 myń tonna benzın jetkizilgen.

«Qazan-jeltoqsan aılarynda AI-92 markaly 272 myń tonna benzın jetkizý josparlanyp otyr», - dedi U.Qarabalın.

Sonymen qatar, birinshi vıtse-mınıstrdiń sózine qaraǵanda, elimizdiń shekarasynda baqylaý sharalary kúsheıtilgen. Bul shara respýblıkadan janarmaı ónimderiniń zańsyz shyǵarylýyna jol bermeý maqsatynda qolǵa alynǵan.