Qazan qalasynda Shalıapınniń úıi súrilip tastalmaq
ASTANA. 4 aqpan. QazAqparat - Qazan qalasynda uly opera ánshisi Fedor Shalıapın dúnıege kelgen úı súrilmek.
Rosbalttiń habarlaýynsha, Shalıapınder otbasy turǵan ekiqabatty ǵımarat Qazan qalasynyń eski bóliginde ornalasqan. Maksım Gorkıı atyndaǵy ádebı murajaıda saqtaýly turǵan metrıkalyq kitapta: «1873 jyly 1 aqpanda sharýa Ivan ıAkovlev Shalıapınniń uly Fedor dúnıege keldi», degen jazba bar.
Qazirgi ýaqytta ǵımarattyń menshik ıesi men Tatarstan mádenıet mınıstrliginiń sheneýnikteri arasynda sottyq tekserý amaldary júrgizilýde. Menshik ıesi saraptamaǵa 1 mln. rýbl jumsap, nátıjesinde ǵımarattyń tek qasbeti ǵana tarıhı qundylyqqa ıe degen qorytyndy alyp otyr.
