Qazan qalasynda Nursultan Nazarbaevtyń atyna kóshe berildi
ASTANA. QazAqparat - Qazan qalasynyń basshylyǵy shahardaǵy Esperanto kóshesiniń atyn «Nursultan Nazarbaev kóshesi» qylyp aýystyrdy, dep habarlady ProKazan.ru.
Qazir atalǵan kóshedegi meken-jaı jazylǵan taqtaıshalar aýystyrylyp jatyr.
«Tatarstan Respýblıkasynyń qazaq ulttyq-mádenı avtonomııasynyń tóraǵasy S. Jaqsybaevtyń Qazannyń kósheleriniń birine Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevtyń esimin berý týraly ótinishi qarastyrylǵan soń Qazan mýnıtsıpaldyq toponımıka boıynsha komıssııasynyń usynysyn eskerip, Vahıtov jáne Prıvoljskıı aýdandarynyń aýmaǵyndaǵy Esperanto kóshesine Nursultan Nazarbaevtyń esimin berý sheshimi qabyldandy», - dep habarlady portalǵa qalanyń atqarýshy komıtetinen.
Merııada túsindirgendeı, qazirgi ýaqytta daıyndaý jumystary, sonyń ishinde meken-jaı atrıbýtıkalaryn ózgertý boıynsha jumystar júrgizilip jatyr.
Eske sala keteıik, Qazan qalasynyń kósheleriniń birin Nazarbaev esimin berý týraly áńgimeler bir apta buryn aıtyla bastaǵan.
