Qazan qalasynda dzıýdodan ótetin Ýnıversıadada Islam Bozymbaevqa úmit artylýda
ASTANA. 4 shilde. QazAqparat - Qaraǵandylyq Islam Bozymbaev Qazan qalasynda ótetin dzıýdodan jazǵy Ýnıversıadada el quramasynyń kóshbasshysy retinde qatyspaq.
Qazaqstandyq dzıýdoshylar keshe Qazan qalasyna attandy. Ushaqqa otyrar aldynda komandanyń jattyqtyrýshysy Mıhaıl Shepetıýk komandanyń maqsaty týraly aıtyp berdi. «Bizdiń Islam Bozymbaev (90 kelige deıin) jáne Rýstam Ybyraev (60 kelige deıin) «altynǵa» basty úmitkerlerimiz, - dedi Shepetıýk. - Sonymen qatar Dáýlethan Jaqypov ta (81 kelige deıin) medal úshin baq synasa alady. Qyzdar arasynda Merýert Imanǵalıevanyń (48 kelige deıin), Nazgúl Qubashevanyń (57 kelige deıin), Albına Amangeldıevanyń (78 kelige deıin) juldyzy ońynan týý yqtımal. Qazaqstan quramasynyń №1 sportshylary álem chempıonatyna ázirlenýde, sondyqtan Bozymbaevtan basqasyn jibermeı otyr».
Budan bólek, jarysqa attanar kúni Vıktor Demıanenko jaraqattanyp, Almatyda qaldy. Ótken demalys kúnderi ol «Qazaqstan Barysy» jarysynyń shırek fınalyna deıin ótti, bul densaýlyǵyna áser etken.
Eske sala keteıik, Jazǵy ýnıversıada Qazan qalasynda 6-17 shilde aralyǵynda ótedi dep kútilýde. Básekede sporttyń 27 túri qamtylsa, elimizdiń sańlaqtary onyń 13-inde baq synaıdy. Júlde qory 3100 AQSh dollaryn quraıdy.
