Qazan qalasynda avıaapat qurbandaryna eskertkish ornatylady
ASTANA. 17 jeltoqsan. QazAqparat - Qazan qalasynda "Rosavıatsııa" Tatar aımaqaralyq aýmaqtyq basqarmasy janyndaǵy qylqan japyraqty skverdiń ortalyǵynda áýejaı mańynda 17 qarashada avıaapatta qaza bolǵandarǵa eskertkish ornatylady. Memorıal qaıǵyly oqıǵa oryn alǵan jerde kelesi jyldyń kókteminde paıda bolýy tıis, dep habarlady Ýtro.rý.
Búgingi kúnnen bastalǵan aktsııa kezinde tilek bildirýshilerdiń barlyǵy eskertkishtiń maketin nemese nobaıyn usyna alady, al oǵan Qazandaǵy "Memorıal" qoǵamdyq uıymy arqyly qaıyrymdylyq qarjysyn jınaý 26 jeltoqsanda bastalmaq.
Eskertkish ornatýǵa Reseı azamattyq avıatsııasynyń "Tatarstan-aero" AAQ ınjener-avıatsııalyq qyzmet qyzmetkerleriniń kásipodaǵy bastamashy boldy. Budan buryn "Tatarstan" avıakompanııasynyń baspasóz qyzmeti monýment kelesi jyldyń kókteminde turǵyzylatynyn jáne onyń jobalarynyń biri qaza bolǵan jolaýshylar men ekıpaj músheleriniń esimderi jazylǵan úsh stella turindegii eskertkish jaqynda respýblıka úkimetine bekitýge jiberilgenin habarlaǵan bolatyn.
"Domodedovo" áýejaıynan №363 reısti oryndaıtyn "Tatarstan" avıakompanııasynyń "Boıng 737" ushaǵy 17 qarashada Qazanǵa qonar kezde apatqa ushyraǵan bolatyn. Onyń bortynda 44 jolaýshy jáne alty eıpaj múshesi boldy, olardyń bári de qaza tapty.
Qurban bolǵandardyń arasynda - Tatarstan prezıdentiniń uly Irek Mınnıhanov, respýblıka boıynsha FQQ basqarmasynyń bastyǵy Aleksandr Antonov, "Reseı-2" túsindirmeshisiniń áıeli qyzymen, reseılik mektep oqýshylaryna bilim máseleleri boıynsha keńes berip júrgen brıtandyq Donna Karolına Býll, Ýkraına azamatshasy Margarıta Oshýrkova, JEM ýnıversıtettik menedjment ortalyǵynyń dırektory Evgenıı Knıazev pen onyń áıeli - Ortalyqtyń aǵa ǵylymı qyzmetkeri Natalıa Drantýsova, sondaı-aq tanymal tehnolog-jańǵyrtýshy Tatıana Mangýsheva boldy.
Tergeý áýelde laınerdiń apatqa ushyraýynyń bes yqtımal sebepterin atady: ushý qateligi, ushaqtyń tehnıkalyq aqaýy, sapasyz otyn, jerústi qyzmetteriniń jumysy jáne aýa raıy jaǵdaıy. RF Tergeý komıteti lańkestik akti bolýy múmkindigin birden joqqa shyǵardy. Keıinnen laınerdiń shyǵarylǵan kezi de (ol 1990 jyly shyǵarylǵan) avıaapat sebebi bola almaıtyny anyqtaldy.
Budan keıin Memleketaralyq avıatsııa komıtetiniń mamandary Qazandaǵy avıaapattyń sebebi ushqyshtyń tájirıbesizdiginen boldy degen málimdeme jasady. Ol qıyn jaǵdaıda dúrys sheshim qabyldaı almaı ushaqqa baqylaýdan aıyrylyp qalýy múmkin. Degenmen, MAK saraptamanyń resmı nátıjelerin jáne qaıǵyly oqıǵanyń sebepterin áli de aıtqan joq.
Ushaqtyń apatqa ushyraýy sebebinen Reseıavıatsııanyń Tatarstan boıynsha aımaqaralyq basqarmasynyń basshysy Shavkat Ýmarov otstavkaǵa ketti, "Tatarstan" AAQ avıakompanııasynyń bas dırektory Aksan Gınııatýllın qyzmetinen bosatyldy. Avıakompanııany lıtsenzııasynan aıyrý týraly sheshim qabyldandy, degenmen qaýly birneshe aıdan keıin ǵana kúshine enedi.
