Qazan aıynyń sońynda Ebola derti Eýropa elderine jetýi múmkin
ASTANA. QazAqparat - Jaqyn ýaqytta Ebola bezgeginiń vırýsy Ulybırtanııa men Frantsııa halqyna jetýi múmkin, dep habarlaıdy Independent.
Mundaı qorytyndyny aýrýdyń taralý baǵyty men áýe kompanııalarynyń ushý baǵyttaryn saralap kórgen ǵalymdar jasap otyr. Atap aıtqanda, Frantsııada bezgektiń taralý qateri 24 qazanda 75% qurasa, Ulybrıtanııada - 50% jetpek. Sondaı-aq Ebola Belgııa, Ispanııa, Shveıtsarııa elderiniń halqyna da óz zardabyn ákelýi múmkin. «Vırýstyń taralýy múmkin deıtindeı elderdiń naqty tizimi joq, áńgime tek yqtımaldylyq jaıly bolyp otyr. Alaıda ony juqtyrý yqtımaldyǵynyń barlyǵy úshin artyp kele jatqany shyndyq», - deıdi Boston ýnıversıtetiniń professory Aleks Vespınıanı.
