Qazan aıynyń basynda Konfederatsııa kýbogy bastalady
ASTANA. QazAqparat - Qazan aıynyń basynda kúsh qoldanylatyn sport túrleri jáne sporttyq jekpe-jek konfederatsııasynyń uıymdastyrýymen ekinshi retki «Konfederatsııa kýbogi» bastalady, dep habarlaıdy QazAqparat tilshisi.
Esterińizge sala keteıik, shilde kúni Astana qalasynda konfederatsııa kýbogynyń jerebesi tartylǵan bolatyn.
Atalǵan jarysta elimizdiń 16 óńiriniń sańlaqtary sporttyń 5 túrinen jarysqa túsedi. Jarystyń ereksheligi bir mezette kórermender boks, grek-rım kúresi, erkin kúres, dzıýdo jáne taekvondo sport túrleri boıynsha saıystardy tamashalaı alady.
16 komanda 4 topqa bólinip qazan aıynda Aqtaý, Shymkent, Taraz jáne Taldyqorǵan qalalarynda irikteý kezeńderin ótkizedi. Sol jarysta ár sport túri boıynsha úzdik shyqqan komandalar jeltoqsan aıynyń 2-3 aralyǵynda Almaty qalasynda ótetin aqtyq kezeńde baqtaryn synaıtyn bolady.
Astanada Konfederatsııa kýbogy jerebesi:
A toby: BQO, Almaty oblysy, Pavlodar oblysy, Atyraý oblysy;
B toby: SQO, Mańǵystaý oblysy, Qaraǵandy oblysy, ShQO;
S toby: Aqtóbe oblysy, Astana qalasy, Qostanaı oblysy, OQO;
D toby: Qyzylorda oblysy, Jambyl oblysy, Almaty qalasy, Aqmola oblysy
Іrikteý kezeńderi kelesideı ótedi:
7-8 qazan - Taraz qalasy D tobyn qabyldaıdy
14-15 qazan - Taldyqorǵan qalasy A tobyn qabyldaıdy
21-22 qazan - Shymkent qalasy S tobyn qabyldaıdy
28-29 qazan - Aqtaý qalasy V tobyn qabyldaıdy
Júlde qory 125 000 000 teńgeni quraıdy. Sport túri boıynsha jeńiske jetken komanda 25 000 000 teńgege ıe bolady.
