Qazan aıynyń 5-7 kúnderi elordada jylý berý maýsymy bastalady
ASTANA. 27 qyrkúıek. QazAqparat - Astanada jylý berý maýsymy qazan aıynyń 5-7 kúnderi bastalady. Bul týraly búgin Astana ákimi Imanǵalı Tasmaǵambetovtiń qatysýymen jylý maýsymyna daıyndyq sharalaryna baılanysty jıynda ákim orynbasary Vasılıı Krylov málim etti.
5 qazannan bastap Astanada aýa raıynyń tómendeýi kútilýde. 8 qazan kúnnen túngi ýaqyttarda aýa raıy turaqty túrde 0-den tómen bolady. Sondyqtan normatıvtik qujattarǵa sáıkes biz táýliktik aýa temperatýrasy 9 gradýs shamasynda úsh kún boıy saqtalǵan jaǵdaıda jylý maýsymyn bastaý týraly sheshim shyǵaramyz. Biz jylý maýsymynyń bastalǵanyn múmkin qazan aıynyń 5, 6, 7 kúnderi jarııa etetin bolamyz", - dedi V.Krylov.
Onyń aıtýynsha, elordadaǵy barlyq kásiporyndar jylý berýge daıyn.
"Astana qalasynyń tirshiligin qamtamasyz etý kásiporyndaryn aldaǵy jylytý maýsymyna daıyndaý bekitilgen kestege sáıkes júrip jatyr. Qazirgi ýaqytta jalpy turǵyn úı qory daıyn, bul - ortalyqtan jylýmen jabdyqtalatyn 2015 kóppáterli turǵyn úı, sondaı-aq 170-ten astam bilim, densaýlyq saqtaý jáne mádenıet nysandary", - dep atap ótti ol.
