Qazan aıyndaǵy jumyssyzdyq 5,3 paıyzdy qurady
ASTANA. 11 qarasha. QazAqparat /Qanat Mámetqazyuly/ - QR Statıstıka agenttiginiń málimetteri boıynsha respýblıka ekonomıkasynda 2011 jylǵy qazanda (baǵalaý boıynsha) 8,5 mln. adam jumyspen qamtyldy.
Ótken jylǵy tıisti kezeńge qaraǵanda olardyń sany 351,8 myń adamǵa nemese 4,3 paıyzǵa kóbeıdi. Jaldamaly qyzmetkerlerdiń sany atalǵan kezeńde 5,7 mln. adamdy (jumyspen qamtylǵandardyń jalpy sanynan 67,2%) qurady.
Budan bólek, agenttik taratqan málimetke qaraǵanda, aǵymdaǵy jylǵy qazanda jumyssyzdar sany, baǵalaý boıynsha, 480,2 myń adamdy qurap, jumyssyzdyq deńgeıi 5,3 paıyzdy kórsetken. Al Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2011 jylǵy qazan aıynyń sońyna 86,5 myń adam resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 1,0 paıyzyn qurap otyr, byltyrǵy 2010 jylǵy qazanda bul 0,7 paıyz bolatyn.
Sonymen qatar, ótken qazan aıyndaǵy baǵalaý boıynsha elimizdegi jasyryn jumyssyzdyq deńgeıi ekonomıkalyq turǵydan belsendi halyqtyń 0,3 paıyzyn qurady.
