Qazan aıyndaǵy kúnkóristiń eń tómengi deńgeıi 18 myń 637 teńge boldy - Statıstıka
ASTANA. 1 qarasha. QazAqparat - 2013 jylǵy qazan aıynda kúnkóristiń eń tómengi deńgeıiniń shamasy 18 637 teńgeni qurady. Bul týraly QR Statıstıka agenttiginiń baspasóz qyzmetinen habarlandy.
Orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2013 jylǵy qazanda ótken aımen salystyrǵanda 0,9 paıyzǵa tómendese, 2012 jylǵy qazanmen salystyrǵanda 2,2 paıyzǵa ósken. Ol shama negizgi tamaq ónimderin tutynýdyń eń tómengi normalarynan esepteledi.
«Onyń qurylymynda et pen balyqty satyp alýǵa jumsalǵan shyǵystardyń úlesi - 21,7 paıyz, jemister men kókónisterdi - 14,2 paıyz, sút, maı jáne toń maı ónimderi men jumyrtqany - 15 paıyz, nan jáne jarma ónimderin - 7,2 paıyz, qant, shaı jáne dámdeýishter 1,9 paıyzdy qurady», - delingen baspasóz baıanynda.
