Qazan aıynda syrtqy saýda ónimderinde baǵanyń joǵarylaýy baıqaldy
ASTANA. 13 jeltoqsan. QazAqparat - Qazanda qyrkúıek aıymen salystyrǵanda baǵa eksporttalatyn taýarlarǵa 1, ımporttalatyn taýarlarǵa - 3,2 paıyzǵa joǵarylady. Bul aqparatty QR Statıstıka agenttigi taratyp otyr.
Eksporttyq jetkizilimderge bir aı ishinde baǵanyń ósýi kómirge - 14,7, myryshqa - 10,2, qorǵasynǵa - 8,9, mysqa - 7,9, suıytylǵan propan-býtanǵa - 2,7, munaıǵa - 0,9, munaı ónimderine - 0,8, al olardyń tómendeýi ferroqorytpalarǵa - 6,3, qara metaldar ılegine - 2,8 paıyzdy qurady. sondaı-aq baǵanyń bıdaıǵa - 14,4, júnge - 7,9 paıyzǵa joǵarlaýy, temekige - 9,7, maqtaǵa - 8,2 paıyzǵa tómendeýi baıqaldy.
Importtyq túsimderden ósimdik maıy - 14,3, kókónister - 11,4, margarın - 7,7, qaǵaz - 7,2, balyq - 4,9, qant - 2,2 paıyzǵa qymbattasa, kofe - 5,8, shaı - 4,5, aıaq kıim - 3,6, kakao jáne odan jasalǵan ónimder - 1,2 paıyzǵa arzandady.
