Qazan aıynda naqty aqshalaı tabystar 4,8 paıyzǵa ósti
ASTANA. 13 jeltoqsan. QazAqparat /Qanat Mámetqazyuly/ - 2011 jylǵy qazanda halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 45910 teńgeni qurap,
2010 jylǵy tıisti kezeńmen salystyrǵanda 13,2 paıyzǵa artty. Naqty aqshalaı tabystar 4,8 paıyzǵa ósti. Bul týraly statıstıka agenttiginen habarlandy.
Agenttik málimetterine qaraǵanda, 2011 jylǵy qazanda ortasha jan basyna shaqqandaǵy aqshalaı tabystardyń kólemi boıynsha Atyraý oblysy, Almaty jáne Astana qalalary aldyńǵy qatarda tur. Atalmysh óńirlerde osy kórsetkish ortasha respýblıkalyq deńgeıden 2,3-1,6 esege artyq. Sondaı-aq, 2011 jylǵy qazanda tabystary eń tómen óńirler qatarynda Ońtústik Qazaqstan, Jambyl jáne Almaty oblystary belgilendi. Atalǵan óńirlerde halyqtyń tabys mólsheri respýblıkalyq deńgeıden ortasha alǵanda 62,2 paıyz jáne 75,0 paıyzdy qurady. Sonymen birge, halyqtyń naqty aqshalaı tabystarynyń eń kóp ósý qarqyny Aqmola jáne Soltústik Qazaqstan oblystarynda belgilendi.
2011 jylǵy qazanda óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 3,7 eseni qurady. Eskere ketetin jaıt, 2010 jylǵy qazanda bul kórsetkish 3,6 eseni quraǵan bolatyn.
