Qazan aıynda kúnkóristiń eń tómengi deńgeıi 13 myń 161 teńgeni qurady
ASTANA. Qarashanyń 4-i. QazAqparat /Qanat Mámetqazyuly/ - Aǵymdaǵy jyldyń qazan aıynda elimizdegi kúnkóristiń eń tómengi deńgeıi 13 myń 161 teńgeni qurady.
Bul týraly QazAqparat QR Statıstıka agenttiginiń baspasóz qyzmetine silteme jasap habarlaıdy.
Baspasóz qyzmetiniń málimetterine súıensek, negizgi tamaq ónimderin tutynýdyń eń tómengi normalarynan eseptelgen ortasha halyqtyń jan basyna shaqqandaǵy kúnkóristiń eń tómengi deńgeıi 2009 jylǵy qazanda ótken aımen salystyrǵanda 0,7 paıyzǵa, al 2008 jylǵy qazanmen salystyrǵanda 1,6 paıyzǵa azaıǵan.
Kúnkóris deńgeıiniń qurylymynda et pen balyqty satyp alýǵa jumsalǵan shyǵystardyń úlesi - 18,5 paıyz, sút, maı-toń maı ónimderi men jumyrtqanyń úlesi - 14,9 paıyz, jemister men kókónister - 14,9 paıyz, nan ónimderi - 9,1 paıyzdy, qant, shaı jáne dámdeýishter - 2,6 paıyzdy quraǵan.
