Qazan aıynda qazaqstandyqtardyń depozıtteriniń kólemi3,3 paıyzǵa ulǵaıdy - QR Ulttyq banki
ALMATY. 7 jeltoqsan. QazAqparat /Erbol Azanbek/ - Qazan aıynda qazaqstandyqtardyń depozıttik uıymdardaǵy depozıtteriniń jalpy kólemi 3,3 paıyzǵa ulǵaıyp,
7564,0 mıllıard teńge boldy (jyl basynan bastap 15,1 paıyz). Bul týraly búgin Ulttyq banktiń aılyq qorytyndyǵa arnalǵan baspasóz máslıhatynda aıtyldy.
Zańdy tulǵalardyń depozıtteri 5438,8 mlrd. teńgege deıin - 3,7 paıyzǵa, jeke tulǵalardyń salymdary 2125,2 mlrd. teńgege deıin - 2,1 paıyzǵa ósken. Al shetel valıýtasyndaǵy depozıtterdiń kólemi - 2724,2 mlrd. teńgege deıin - 3,6 paıyz ósim kórsetse, Ulttyq valıýtadaǵy depozıtter 4839,8 mlrd. teńgege deıin nemese 3,1 paıyzǵa (jyl basynan bastap - 30,8 paıyz) ulǵaıǵan. Teńgedegi depozıtterdiń úles salmaǵy 2010 jylǵy qazanda 2010 jylǵy qyrkúıekpen salystyrǵanda 64,1 paıyzdan 64,0 paıyzǵa deıin tómendegen.
Qazan aıynda jalpy halyqtyń bankterdegi salymdary 2179,2 mıllard teńgege deıin, ıaǵnı 2,0 paıyzǵa ulǵaıǵan. Bunda teńgedegi depozıtter 1157,8 mıllıard teńgege deıin - 3,0 paıyzǵa, shetel valıýtasyndaǵy depozıtter 1021,3 mıllıard teńgege deıin - 1,0 paıyzǵa ulǵaıǵan (jyl basynan bastap 6,8 paıyzǵa tómendedi). Nátıjesinde teńgedegi depozıtterdiń úles salmaǵy 52,6 paıyzdan dan 53,1 paıyzǵa kóterilip otyr.
Jalpy depozıtter boıynsha zańdy tulǵalardyń depozıtteriniń ortasha syıaqy stavkasy - 2,4 paıyz, jeke tulǵalardyń salymdary boıynsha 9,7 paıyzdy qurap otyr
