Qazan aıynda halyqtyń naqty aqshalaı tabystary 4 paıyzǵa ósti
ASTANA. 113 jeltoqsan. QazAqparat - Qazan aıynda halyqtyń naqty aqshalaı tabystary 4 paıyzǵa ósti. Bul aqparatty QR Statıstıka agenttigi taratyp otyr.
«2010 jylǵy qazanda halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 38361 teńgeni qurap, 2009 jylǵy tıisti kezeńmen salystyrǵanda 11,6 paıyzǵa artty. Naqty aqshalaı tabystary 4,0 paıyzǵa ósti», - delingen baspasóz habarlamasynda.
2010 jylǵy qazanda ortasha jan basyna shaqqandaǵy aqshalaı tabystardyń kólemi boıynsha Atyraý oblysy, Astana qalasy jáne Mańǵystaý oblysy aldyńǵy qatarda keledi. Olardyń kórsetkishi ortasha respýblıkalyq deńgeıdi 2,2-1,9 esege arttyryp otyr.
Al 2010 jylǵy qazanda tabystary eń tómen óńirler qataryna Ońtústik Qazaqstan, Qostanaı jáne Soltústik Qazaqstan oblystary kirdi.
Halyqtyń naqty aqshalaı tabystarynyń eń kóp ósý qarqyny Batys Qazaqstan jáne Qyzylorda oblystarynda belgilendi.
2010 jylǵy qazanda óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 4,1 eseni quraıdy.
