Qazan aıynda elimizde halal standarttarymen óndirilgen taýarlardyń halyqaralyq kórmesi ótedi
ildeniń 12-si. QazAqparat /Aıdar Ospanalıev/ - Qazannyń 6-sy men 9-y aralyǵynda elimizde halal standarttarymen óndirilgen taýarlardyń halyqaralyq kórmesi ótedi. Bul týraly búgin Astanada ótip jatqan halal ónimderiniń kórmesi barysynda Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıtetine qarasty «Halal» standartyn engizý jónindegi №57 tehnıkalyq komıtetiniń tóraǵasy Marat Sársenbaev aıtty.
Onyń sózine qaraǵanda, atalmysh sharany Qazaqstannyń halal ındýstrııasy qaýymdastyǵynyń ókilderi uıymdastyrmaq. Sharany Halal ındýstrııasy qaýymdastyǵy ókilderiniń tapsyrysymen «Ekspo damý» kompanııasy ótkizedi. «Biz jýyrda ǵana Malaızııa eline baryp ol elden eki kún boıyna tájirıbe almastyq. Sondaı-aq atalmysh eldiń ókilderin ózimizdiń ónimderimizben tanystyryp, olar boıynsha
aqparat quraldarynyń ókilderimen baspasóz máslıhatyn ótkizdik. Halyqaralyq kórme biz úshin úlken emtıhan ispettes bolmaq. Sondyqtan biz osy sharany uıymdastyrýǵa qazir kóp kúsh jumsap otyrǵan jaıymyz bar, dedi komıtet tóraǵasy.
Onyń sózine qaraǵanda, halal ındýstrııasyn damytýda Qazaqstan lıder bolýy kerek. І s júzinde elimiz TMD keńistiginde qazirdiń ózinde kóshbasshy. Sondyqtan bizdiń qolǵa alǵaly otyrǵan sharamyz oıdaǵydaı bolady dep úmittenip otyrmyz» dedi M.Sársenbaev.
