Qazan aıynda «Beıneý - Bozoı - Shymkent» gaz qubyry iske qosylady - «QazTransGaz»
ASTANA. 23 aqpan. QazAqparat - Aǵymdaǵy jyldyń qazan aıynda «Beıneý - Bozoı - Shymkent» gaz qubyry iske qosylady. Bul týraly jýrnalısterge suhbat bergen «QazTransGaz» kompanııasynyń bas dırektory Serik Sultanǵalı málim etti.
«Iá, qazan aıynda biz Batys Qazaqstan oblysynyń jobasy - «Beıneý - Bozoı - Shymkent» gaz qubyrynyń mehanıkalyq iske qosýyn oryndaımyz. Onyń arqasynda, eń aldymen, áleýmettik máseleler, ol - qubyr boıymen ornalasqan 500-600-ge jýyq eldi mekendi gazben qamtamasyz etý jumysy júrgiziledi. Al gazdyń qalǵan bóligi eksportqa shyǵarylady. Elge tabys ákelý kerek qoı», - deıdi S.Sultanǵalı.
