Qazan aıynda Baıan-Ólgeıde «Búrkitshiler toıy» ótedi

ULAN-BATYR. QazAqparat - Mońǵolııanyń búrkitti ańshylar qaýymdastyǵy uıymdastyratyn jyl saıynǵy «Búrkitshiler toıy» 3-4 qazan kúnderi Baıan-Ólgeı aımaǵynda ótedi, dep habarlaıdy QazAqparat MONTsAME agenttigine silteme jasap.

Osymen 21 márte ótkiziletin týrıstik is-shara Qorshaǵan orta jáne týrızm mınıstrligimen, Baıan-Ólgeı aımaq basshysynyń ákimshiligimen birlesip uıymdastyrylady.

Festıval kezinde 60-tan asa ańshy saıysqa túsip, kórermenderge qusty basqara alý jáne onyń kómegimen ań alý sheberligin kórsetedi.

Sondaı-aq, shara aıasynda túrli jarystar, qoıylymdar jáne qazaqtyń ulttyq oıyndary ótkiziledi.