Qazan aıynda baspanany satý-satyp alý boıynsha eń kóp kelisim Astana qalasynda jasaldy - Statıstıka agenttigi
TANA. 14 qarasha. QazAqparat /Gúlmıra Alıakparova/ - 2011 jyldyń qańtar-qazanynda turǵyn úılerdi satý-satyp alý boıynsha Qazaqstanda 129 867 mámile jasaldy. Bul týraly búgin ótken brıfıngte QR Statıstıka Agenttiginiń tóraǵasy Álıhan Smaıylov málim etti.
«Ústimizdegi jyldyń qańtar-qazanynda turǵyn úıdi satý-satyp alý mámileleriniń sany 129 867-ni qurap, ótken jyldyń tıisti kezeńimen salystyrǵanda 13,7 paıyzǵa ósti. Astanada turǵyn úı boıynsha mámilelerdiń sany 11,4 paıyzǵa, Almaty qalasynda 3,8 paıyzǵa artty», - dedi ol.
2011 jyldyń naqty qazan aıynda baspanany satý jáne satyp alý boıynsha jasalǵan kelisimderdiń sany 15 838-di qurady. Bul ótken jyldyń sáıkes kezeńine qaraǵanda 4,6 paıyzǵa kóp. Kelisimder eń kóp jasalǵan óńirlerdiń aldyńǵy bestigine - Astana qalasy (1971 kelisim), Shyǵys Qazaqstan oblysy (1944), Almaty qalasy (1904), Qaraǵandy oblysy (1810) jáne Almaty oblysy (1341) enip otyr. Jyljymaly múliktiń birshama turaqty úrdisi Mańǵystaý oblysynda (273 kelisim) tirkeldi.
