Qazan aıynda balamaly energııa kózderi boıynsha jobalarǵa aýqymdy aýktsıon ótkiziledi
«Energetıka mınıstrligi osy jyldan bastap energııanyń balamaly kózderiniń jańa jobalary boıynsha jańa júıe engizdi. Ol - aýktsıon júıesi. Osy jyldyń mamyr aıynda qýattylyǵy az sanalatyn 10-20 megaVattqa deıingi aýktsıondardyń alǵashqy raýndy sátti ótti. 10 jobanyń 8-i qoldaý tapty. Tıisinshe, endigi kezekte bul jobalar júzege asyrylǵaly jatyr. Aýktsıon jylyna eki ret ótkiziletin bolady. Ekinshi raýnd osy jyldyń qazanynda ótkiziledi. Qýattylyǵy 50-100 megaVatt bolatyn aýktsıonda baǵa turǵysynan eń tómengi usynysty beretin kompanııa jeńiske jetedi. Sondaı-aq KOREM alańynda elektrondy túrde taǵy 10 ashyq konkýrs ótkiziledi», - deıdi Halyqaralyq jasyl tehnologııalar ortalyǵy» KEAQ tóraǵasynyń orynbasary, «Qazaqstannyń jańartylǵan energetıkasy» qaýymdastyǵynyń bas dırektory Arman Qashqynbekov.
Onyń aıtýynsha, konkýrstarǵa kez kelgen adam qatysa alady.
«EKSPO kezinde qazaqstandyq jáne sheteldikterdi qosqanda 100-ge tarta tehnologııa tanystyryldy. Qazirgi tańda Úkimet olardy ulttyq kompanııalar men ákimdikter arqyly engizip jatyr. Keıbir tehnologııalar qazirdiń ózinde qoldanysqa engizilip jatqanymen, olardyń pıloty men tolyqqandy qosylýy úshin qarjy men resýrs kerektigin eskerý kerek», - deıdi ol.
Arman Qashqynbekovtyń sózine súıensek, elimizde energııanyń balamaly kózderin jappaı qoldanysqa engizýde ózindik kedergileri de bar.
«Ókinishke qaraı, olardy keń aýqymda qoldanýǵa kelgende atqarylar sharýalar barshylyq. Sebebi, energııanyń balamaly kózderin sheteldik qarjy ınstıtýttary qarajatpen jetkilikti dárejede qoldaıdy. ıAǵnı, olardyń ózderiniń osyǵan deıin senimin aqtaǵan tasymaldaýshylary bar. Al sol úzdik tasymaldaýshylardyń qataryna ený úshin óte aýqymdy jumystardy atqarý kerek. Biz EKSPO bastap bergen jasyl ekonomıkany damytý turǵysynda jumysymyzdy jalǵastyra beremiz. Balamaly energııa kózderiniń tek úzdikteri Qazaqstandaǵy qajettilikke baılanysty belsendi túrde qoldanylýy kerek», - deıdi sarapshy.