Qazan aıynda aýa raıy qandaı bolady
NUR-SULTAN. QazAqparat – Sınoptıkter qazan aıyndaǵy aýa raıy týraly aıtty, dep habarlaıdy QazAqparat Qazgıdrometke silteme jasap.
Iran aýmaǵynan jyljyǵan jyly aýa massasynyń kelýimen baılanysty qazan aıynyń alǵashqy aptasy jyly bolady.
Termometr baǵandary kúndiz eldiń soltústik bóliginde 15…23 gradýsqa deıin, ońtústik bóliginde 20…28 gradýsqa deıin birtindep kóteriledi.
Sonymen qatar, aıdyń basynda soltústikte, ortalyqta jáne shyǵysta aýa temperatýrasy túnde nólden 2…10 gradýsqa deıin tómendep, keı jerlerde 3 gradýs nólden joǵary bolady.
Sodan keıin birinshi onkúndiktiń sońynda Reseıdiń Eýropalyq aýmaǵynan sýyq aýa massalarynyń kelýimen aýa temperatýrasy azdap tómendep, aldymen batysta sodan keıin respýblıkanyń qalǵan aýmaǵynda jaýyn-shashyn bolýy múmkin. Aýa temperatýrasy kúndiz batys jáne soltústik óńirlerde nólden joǵary 7…15 gradýsqa deıin, shyǵysta 8…18 gradýsqa deıin, ońtústik óńirlerde 12…20 gradýsqa deıin tómendeıdi.
Uzaq merzimdi boljamǵa sáıkes, qazan aıynda jaýyn-shashyn, tuman, kóktaıǵaq, ekpini 15-20 m/s-qa jetip, jaıly kún raıy jıi almasyp otyrady.
«Qazan aıynyń ortasha aýa temperatýrasy Qazaqstannyń kóptegen bóliginde normaǵa jýyq, Túrkistan, Jambyl, Almaty, Qyzylorda oblysynyń batysynda normadan 1°S joǵary bolady. Jaýyn-shashyn mólsheri elimizdiń kóptegen bóliginde – jyldyq ortasha mánge jýyq shamada, Batys Qazaqstan, Atyraý, Aqtóbe, Qyzylorda, Qostanaı jáne Qaraǵandy oblystarynda normadan tómen bolýy yqtımal», - delingen sınoptıkter boljamynda.
