Qazan aıynda astyq jınaý úshin qosymsha jeńildikpen 40 myń tonna dızel bólinedi
TANA. 27 qyrkúıek. Qazaqparat /Marlan Jıembaı/ - Qazan aıynda aýyl sharýashylyǵy taýarlaryn óndirýshiler úshin qosymsha 40 myń tonna jeńildetilgen baǵamen dızel otyny jetkiziledi.
Bul týraly búgin Úkimettiń selektorlyq formattaǵy otyrysynda QR Aýyl sharýashylyǵy mınıstri Asyljan Mamytbekov málim etti.
Onyń atap ótýinshe, astyq túsiminiń joǵary bolýyna, qyrkúıektiń sońynda jáne qazan aıynda aýa raıy qolaısyz bolatyndyǵy boljanýyna, úlken aýmaqtarda jekelegen jıyn-terimdi qajet etetin bıdaıdyń ylǵal tartýynyń joǵarylaýyna, sondaı-aq ony keptirýge baılanysty dızel otynynyń qosymsha kólemi qajet etiledi.
«Oblys ákimdikteriniń málimetteri boıynsha, qosymsha shamamen 40 myń tonna dızel otyny qajet. Keshe bul másele Munaı jáne gaz mınıstrligimen birlesip sheshildi jáne qazanda aýyl sharýashylyǵy taýarlaryn óndirýshiler úshin qosymsha 40 myń tonna dızel otyny jeńildetilgen baǵamen jetkiziledi», - dedi ol.
