Qazan aıynda 7 óńirde ınflıatsııa jedeldegen – Ulttyq bank

NUR-SULTAN. QazAqparat - Qazan aıynda eldegi jyldyq ınflıatsııa 8,9%-dy qurady. Bul týraly QazAqparat Ulttyń bankke silteme jasap habarlaıdy.

Inflıatsııanyń qyrkúıektegi deńgeıde saqtaldy, biraq ınflıatsııa 4 óńirde ǵana ózgerissiz qaldy. 7 aımaqta ınflıatsııa jedeldep, 6-da baıaýlady.

Almaty men Almaty oblysy baǵanyń ósýine jalǵasýda. Olardyń TBI-degi úles salmaǵy – tym joǵary (tıisinshe 16,5% jáne 11,7%).

Túrkistan oblysynda (qyrkúıektegi 9,2%-dan qazanda 9,6%-ǵa deıin) jáne Soltústik Qazaqstan oblysynda (8,4%-dan 8,7%-ǵa deıin) meıilinshe tez qarqyn alǵany baıqaldy. Qalǵan óńirlerde jyldyq ınflıatsııanyń ózgerýi asa baıqala qoımady (+/-0,2%). Jyldyq ınflıatsııa 7 aımaqta jalpy respýblıkalyq deńgeıden joǵary qalyptasty: Mańǵystaý oblysynda (9,9%), Qaraǵandy oblysynda (9,6%), Túrkistan oblysynda (9,6%), Atyraý oblysynda (9,2%), Aqtóbe oblysynda (9,2%), Aqmola oblysynda (9,0%) jáne Jambyl oblysynda (9,0%).

Bıylǵy qazanda aılyq ınflıatsııa 0,7%-dy (qyrkúıekte – 0,4%) qurap, jedeldeı tústi . Baǵanyń ósýine eń kóp úles qosqan – azyq-túlik taýarlary (0,31 p.t.) boldy. Azyq-túlikke jatpaıtyn taýarlardyń úlesi 0,25 p.t., aqyly qyzmetterdiń úlesi 0,14 p.t. boldy.

Jalpy alǵanda, elimiz boıynsha azyq-túlik taýarlarynyń baǵasy bir aıda 0,7%-ǵa (qyrkúıekte – 0,1%) ósti. Osy toptaǵy taýarlar baǵasynyń eń joǵary ósimi Shyǵys Qazaqstan oblysynda (1,2%), Pavlodar men Soltústik Qazaqstan oblystarynda (1,1%-dan) qalyptasty.