Qazan aıynan bastap respýblıkada tumaýǵa shaldyǵýdyń 86 myń deregi tirkeldi - Densaýlyq saqtaý mınıstrligi
ASTANA. Qazannyń 27-si. QazAqparat /Gúlmıra Álıakparova/ - Tumaýdyń órshý kezeńi bastalǵan ústimizdegi qazan aıynan bastap, respýblıkada juqpamen aýyrýdyń 86 myń deregi tirkeldi.
Bul týraly búgin jýrnalısterge bergen suhbatynda QR Densaýlyq saqtaý mınıstrligi Epıdemıologııalyq qadaǵalaý komıteti basqarmasynyń bastyǵy Aıtmaǵambet Jolshorynov aıtty, dep habarlaıdy QazAqparat.
A.Jolshorynovtyń sózine qaraǵanda, juqpaly tumaýdyń bıylǵy maýsymdaǵy úrdisi 2008 jylmen salystyrǵanda turaqty. Máselen, byltyr osy ýaqytta tumaý vırýsyn juqtyrýdyń 93 oqıǵasy tirkelse, bıyl bul kórsetkish 5 myń adamǵa az, ıaǵnı 86 myń 500 adamdy qurap otyr. «Degenmen, respýblıkada jaǵdaı turaqty dep sanalady. Sondyqtan, ázirshe jappaı karantın engizýdiń qajeti joq», dedi ol.
Basqarma bastyǵynyń atap kórsetýinshe, Astanada jedel respıratorly vırýsty juqpamen aýyrýdyń 2,5 myń deregi tirkelgen. Juqpany juqtyrýdyń deńgeıi ásirese, mektep oqýshylarynyń arasynda joǵary.
Maýsymdyq tumaýdyń aldy alý úshin búginde 237 myń adamǵa egý jumystary jasaldy jáne is-shara qazan aıynyń sońyna deıin jalǵasatyn bolady.
