Qazan aıynan bastap Qazaqstanda 61 adam ıis tıip ýlanyp, kóz jumdy
ASTANA. QazAqparat - 2015 jylǵy qazan men 2016 jylǵy 31 qańtar aıy aralyǵynda elimizde 61 adam ıis tıip ýlanyp, kóz jumdy. Bul týraly búgin Astanada ótken baspasóz máslıhatynda QR ІІM Tótenshe jaǵdaılar komıtetiniń resmı ókili Rýslan Imanqulov málim etti.
«Búginde úlken problemalardyń biri - ıis tıip, sodan zardap shegetinderdiń máselesine toqtalǵymyz keledi. Júrgizilip jatqan aldyn alý sharalaryna qaramastan, halyq peshti paıdalanýdaǵy qarapaıym qaýipsizdik sharalaryna nazar aýdarmaıdy. Táýliktik jedel aqpardy qarap otyrǵan kezde, tolyqtaı bir otbasynyń ıis tıip, ýlaný saldarynan aýrýhanaǵa túsip jatqanyn kóremiz»,-dep toqtaldy remı ókil.
Onyń sózine qaraǵanda, 2015-2016 jyldardaǵy jylý berý maýsymynan bastap elimizdiń turǵyn sektorynda 3359 órt tirkeldi.
«Órttiń basym bóligi burynǵydaı memlekettik órtke qarsy qyzmet organdarynyń baqylaýynda turmaǵan nysandarda oryn alady, ıaǵnı olardyń negizgisi túrǵyn úı sektory bolyp tabylady»,-dedi R. Imanqulov.
