Qazan aıy Aýǵanstandaǵy amerıkan armııasy úshin eń sátsiz aı bolyp otyr
ASTANA. Qazannyń 28-i. QazAqparat - Qazan aıy Aýǵanstandaǵy amerıkan armııasy úshin eń sátsiz aı bolyp otyr. 27 kúnniń ishinde Aýǵanstanda 55 amerıkandyq áskerı qyzmetker qaza tapty, bul 8 jyldaǵy eń jaman kórsetkish bolyp tabylady,
dep habarlaıdy RBK agenttigi.
Dúısenbi kúni tikushaqtarmen baılanysty túrli oqıǵalardyń saldarynan 14 adam qaza tapsa, sársenbi kúni amerıkandyqtar taǵy 8 jaýyngerinen aıryldy. Jaýyngerlerge shabýyl Qandaǵar provıntsııasynda jasaldy. Amerıkan qolbasshylyǵy bul oqıǵanyń mán-jaıy týraly habarlaýdan bas tartyp otyr. Biraq jaýyngerlerdiń bir bóligi tálibterdiń Stryker saýytty tehnıkasyn joıýynyń nátıjesinde qaza tapqany týraly aqparat paıda boldy.
