Qazan aıynda ınflıatsııa Qazaqstannyń 8 óńirinde jedeldedi

ASTANA. KAZINFORM – Qazan aıynda elde jyldyq ınflıatsııa jedeldep, 8,5%-dy qurady (qyrkúıekte – 8,3%). Jyldyq ınflıatsııanyń 10 óńirde baıaýlaǵany, 8 óńirde jedeldep, 2-de ózgerissiz qalǵany baıqaldy.

Jyldyq ınflıatsııanyń eń joǵarǵy máni Astana qalasynda jáne Mańǵystaý oblysynda tirkeldi.

«Qazanda azyq-túlik taýarlarynyń baǵasy 4,9%-ǵa deıin baıaýlady (qyrkúıekte — 5,1%). Osy toptaǵy taýarlardyń baǵasy Almaty qalasynda (7,4%) aıtarlyqtaı joǵary, al Túrkistan oblysynda (2,7%) meıilinshe tómen ósti.

Azyq-túlikke jatpaıtyn taýarlar baǵasynyń ósý qarqyny j/j 7,8%-ǵa deıin jedeldedi (qyrkúıekte — 7,6%). Eń joǵarǵy mán Túrkistan oblysynda (13,2%), eń tómengi mán Jetisý oblysynda (5,0%) tirkeldi», — dep jazdy Ulttyq bankten.

Qazanda aqyly kórsetiletin qyzmet baǵasy 14,3%-ǵa deıin jedeldedi (qyrkúıekte — 13,6%).

Sonymen qatar, Pavlodar oblysynda baǵa (18,1%) jalpy respýblıkalyq deńgeıden birshama joǵary, Almaty oblysynda (8,3%) aıtarlyqtaı tómendedi.

Qazanda el boıynsha aılyq ınflıatsııa 0,9% boldy. Bul burynǵy ortasha máninen joǵary (2017-2021 jyldardaǵy qazanda 0,7%).