Munaı baǵasy tómendeı bastady
ALMATY. KAZINFORM — Aldyńǵy aıdaǵy baǵa ósiminen keıin 1 qazanda munaı azdap arzandady.
1 qazan tańerteńgi jaǵdaı boıynsha Brent markaly munaıdyń qarasha aıyndaǵy fıýchersteri barreline 97,32 dollar boldy. Baǵa 0,72%-ǵa tómendedi.
WTI markaly munaıdyń baǵasy barreline 89,57 dollarǵa jetip, 0,94%-ǵa arzandady.
Reseıdiń Urals markaly munaıy barreline 110,40 dollar boldy. Onyń baǵasy 0,49%-ǵa tómendedi.
Qyrkúıek qorytyndysy boıynsha Brent markaly munaıdyń baǵasy shamamen 14%-ǵa ósti. Bul shildeden bergi eń joǵary ósim boldy. Al WTI baǵasy shamamen 5%-ǵa qymbattady.
Munaı baǵasynyń dınamıkasyna AQSh pen Iran arasyndaǵy kelissózderdiń barysy jáne Parsy shyǵanaǵynan munaı jetkizýdi qalpyna keltirý perspektıvalary áser etip otyr. Investorlar OPEK+ elderiniń munaı óndirý kólemine qatysty yqtımal sheshimderin baǵalap otyr.
Buǵan deıin munaı baǵasy keıingi bir aptadaǵy eń joǵary deńgeıge jetkeni habarlandy.
