Qazalydaǵy ortalyq bazardan órt shyqty

QYZYLORDA. QazAqparat - Qyzylorda oblysy Qazaly aýdanynyń ortalyǵy - Áıteke bı kentinde bazarda shyqqan órt 2 myńnan astam sharshy metr aýmaqty sharpydy, dep habarlaıdy QazAqparat tilshisi.

Órt búgin «Er-Nur» bazary aýmaǵynda ornalasqan «Nur» ashanasynda bastalǵan. Jalyn odan keıin ashanaǵa jaqyn aýmaqtaǵy «Orynaı», «Aqbota», «Arzan» saýda úıleri men sharýashylyq zattaryn satatyn «Baıansulý» jáne eki azyq-túlik dúkenin sharpydy.

«Oqıǵa ornyna oblystyq tótenshe jaǵdaılar departamentiniń 33 mamany 3 tehnıkamen bardy. Sondaı-aq ózge de sala mamandary keldi. Jaraqat alǵan jáne qaza bolǵandar joq. Órttiń shyǵýyna basty sebep retinde elektr júıesiniń qysqa tuıyqtalýy qarastylyp otyr», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz mamany Álııa Erejepova.

Budan buryn Qyzylordada «Baqsha Saraı» dámhanasy órtendi.