Qazalydaǵy egizder aýylynda úshem dúnıege keldi
QAZALY. QazAqparat - Qyzylorda oblysy Qazaly aýdanyndaǵy egizder aýyly atanyp ketken Ú.Túktibaev eldi mekeninde turatyn Altynbaevtar áýletinde úshem dúnıege keldi, dep habarlaıdy QazAqparat tilshisi.
Qazaly aýdany ákimdigi baspasóz qyzmetiniń málimetinshe, bul aýylda buryn 23 egiz, 1 úshem ómirge kelgen. Al 42 jastaǵy Qýanysh Altynbaev pen 32 jastaǵy Aıgerim Mahambetjanova budan buryn bes balaly otbasy bolatyn. Endi olardyń qataryna Aıǵanym, Aıǵanat, Asylym esimdi úsh qyz qosyldy. Jas ana nárestelerdi Qyzylorda qalasyndaǵy Ana men bala ortalyǵynda dúnıege alyp keldi. Úshemder qazirgi tańda dárigerlerdiń baqylaýynda.
