Qazalydaǵy 32 eskertkishke QR-kod ornatyldy

QAZALY. QazAqparat - Qyzylorda oblysy Qazaly aýdanynda respýblıkalyq jáne jergilikti mańyzy bar tarıhı-mádenı eskertkishterge QR-kody bar taqtaıshalar ornatyldy, dep habarlaıdy QazAqparat tilshisi.

«Mundaı QR-kody bar taqtaıshalardy «Qyzylorda oblysynyń tarıhı jáne mádenı eskertkishterdi qorǵaý jónindegi» kommýnaldyq memlekettik mekemesi Qazaly aýdanynyń 32 eskertkishi men tarıhı-mádenı nysanyna ornatty. Bul baǵyttaǵy jumystar ary qaraı jalǵasa beredi, sebebi aýdanda budan ózge de 63 mádenı-tarıhı zor mánge ıe oryndar men eskertkishter bar», - dedi aýdandyq mádenıet jáne tilderdi damytý bóliminiń mádenı jáne rýhanı eskertkishterdi qorǵaý jónindegi ádiskeri Beket Tabynbaev.

Byltyrdan bastap «Tsıfrly Qazaqstan» jáne «Rýhanı jańǵyrý» baǵdarlamalary boıynsha «Qazaqstannyń kıeli jerleriniń geografııasy» jobasy aıasynda naqty jumystar qolǵa alynyp keledi. Osy maqsatta Qyzylorda oblysynda tarıhı-mádenı murany qorǵaý salasyn sandyq formatqa kóshirý maqsatynda oblystyq jobalyq keńse boıynsha 2 joba júzege asyrylyp jatyr. Onyń biri - oblys kólemindegi tarıhı­ jáne mádenı eskertkishterge QR-kod ornatý jobasy aıasynda 150 eskertkishke QR-kod ornatyldy.

Budan buryn Syǵanaqty zertteý barysynda birqatar jańa derekter anyqtalǵan edi.