Qazalyda júk kóligi 40 ýaq maldy basyp ketti
QYZYLORDA. QazAqparat - Qyzylorda oblysy Qazaly aýdanynda júk kóligi jol boıynda 40 ýaq maldy qaǵyp ketti, dep habarlaıdy QazAqparat tilshisi.
Oqıǵa Qazaly aýdanynyń ortalyǵy - Áıteke bı kenti tusyndaǵy «Shymkent-Samara» tas jolynyń boıynda tirkelgen.
Sol mańdaǵy maı quıý beketiniń janynda «KamAZ» júk kóligi 40 ýaq maldy basyp ketken.
«Júk kóligin Qyzylorda qalasynyń turǵyny júrgizip kele jatqan. Bul is boıynsha QR Ákimshilik quqyq buzý kodeksiniń 610-baby boıynsha hattama rásimdeldi», - dep málim etti Qyzylorda oblystyq polıtsııa departamentiniń baspasóz qyzmeti.
Sondaı-aq, Qyzylordada jol boıynda adam qaǵyp, oqıǵa ornynan qashyp ketken júrgizýshi ustaldy.
