Qazalyda jol apatynan bir adam qaza taýyp, ekeýi jaraqat aldy

QAZALY. QazAqparat - Qyzylorda oblysy Qazaly aýdanynyń ortalyǵy - Áıteke bı kentinde jol apatynan bir adam qaza taýyp, eki adam dene jaraqatyn aldy, dep habarlaıdy QazAqparat tilshisi.

Oqıǵa 4 qyrkúıekte aýdan ortalyǵy - Áıteke bı kentindegi S.Muqanov jáne J.Aımaýytov kósheleriniń qıylysynda bolǵan.

Kóshe qıylysynda eki jeńil kólik soqtyǵysyp qalǵan. Jol-kólik oqıǵasynan bir adam qaza taýyp, eki adam dene jaraqatyn aldy.

«Atalǵan oqıǵa QR Qylmystyq kodeksiniń 345-babynyń 3-bóligimen tirkeldi. Bul boıynsha tergep-tekserý amaldary júrgizilip jatyr. Aýdandyq polıtsııa bóliminiń jeke quramy jol-kólik oqıǵasynyń aldyn alý baǵytynda bólimniń kúsheıtilgen túrde jumys atqaryp jatyr», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada júk kóligi jaıaý júrginshiler jolaǵynan ótip bara jatqan adamdy qaǵyp, mert qyldy.