Qazalyda jergilikti turǵyndy 7 adam jabylyp soqqyǵa jyqty
QAZALY. QazAqparat - Qyzylorda oblysy Qazaly aýdanynyń ortalyǵy - Áıteke bı kentinde 39 jastaǵy jergilikti turǵyndy 7 adam uryp-soǵyp, onyń kóligine eleýli zııan keltirdi, dep habarlaıdy QazAqparat tilshisi.
Bul oqıǵa keshkisin bolǵan. Bir top buzaqy kólikpen kele jatqan 39 jastaǵy azamatty toqtatyp, ony uryp-soǵyp ketken. Kólik terezesin syndyrǵan.
Tártip saqshylary jedel is-sharalar júrgizdi. Nátıjesinde atalǵan derek boıynsha 7 kúdikti anyqtaldy. Olar 21-27 jas aralyǵynda.
«Qazirgi tańda saraptamalar taǵaıyndaldy, oqıǵanyń mán-jaıy anyqtalýda. Buzaqylyq faktisi boıynsha QR Qylmystyq kodeksiniń 293-babynyń 2-bóligimen (buzaqylyq) sotqa deıingi tergep tekserý júrgizilýde», - dep málim etti Qyzylorda oblystyq polıtsııa departamentiniń baspasóz qyzmetinen.
Budan buryn Qyzylordada kásipkerge shabýyl jasaǵan 6 adam qolǵa túskenin habarlaǵan edik.
