Qazalyda «Jankent» folklorlyq ansambli quryldy
QAZALY. QazAqparat - Qyzylorda oblysy Qazaly aýdanynda «Jankent» folklorlyq ansambli quryldy, dep habarlaıdy QazAqparat tilshisi.
Bul ıgilikti is Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» baǵdarlamalyq maqalalary aıasynda qolǵa alynyp otyr.
Qazaly aýdany Órkendeý aýyldyq klýbynda ótken «Mádenıettiń bastaýy - klýbtardan» atty semınar barysynda folklorlyq ansambliniń tusaýkeseri jasaldy. Ansambl ónerpazdary aldaǵy ýaqytta qazaqtyń ónerin, án men kúıin dáripteýge kóńil bóletin bolady.
Mádenı basqosýǵa oblystyq halyq shyǵarmashylyǵyn damytý jáne mádenı-prodıýserlik ortalyǵy dırektorynyń orynbasary Raıa Dilimbetova qatysyp, ónerpazdar shyǵarmashylyǵyn joǵary baǵalady. Aýdandyq mádenıet jáne tilderdi damytý bóliminiń basshysy Bolat Joltaev pen Órkendeý aýyldyq okrýginiń ákimi Nábı Úrgenishbaı sala qyzmetkerlerine óz tilektestigin bildirdi.
Semınar barysynda aýyldyq kitaphana qyzmetkeri Nesibeli Nuradın Oǵyz memleketiniń Jankent shaharynyń tarıhy jaıynda baıandady.
Esterińizge sala ketelik, budan buryn Syr óńiriniń jádigerleri kópshilik nazaryna usynylǵanyn habarlaǵan edik.
