Qazalyda jańa kópir ashyldy
QAZALY. QazAqparat - Qyzylorda oblysy Qazaly aýdanynda Syrdarııa ózeniniń ústinen ótetin uzyndyǵy 219 metrdi quraıtyn kópir ashyldy. Bul kópir kóptegen eldi mekender arasyn jalǵastyrady. Ol uzaq jyldan beri túıindi problemanyń biri bolatyn, dep habarlaıdy QazAqparat tilshisi.
Atalmysh saltanatty rásimge Qyzylorda oblysynyń Qýanyshbek Ysqaqov qatysty. Kópir Álseıit ýchaskesinde Syrdarııa ózeni arqyly ótedi. Temir-beton arqyly jasalǵan kópir 2 jolaqtan turady. Jalpy uzyndyǵy - 219, eni 12 metrdi quraıdy.
Aıta keterligi, atalmysh kópir endi Qazaly aýdanyndaǵy - 7, Aral aýdanyndaǵy 6 eldi mekendi Qazaly aýdanynyń ortalyǵy - Áıteke bı kentimen jalǵastyrady.
«Dana halqymyz ejelden shólge qudyq qazǵan, ózenge kópir salǵan. Jolǵa aǵash egýdi de saýapty istiń biri dep sanady. Ótken ǵasyrlarda Syr boıynda kópir qurylysy el ıgiligine aınaldy. Qaraózek tusynda «Saýranbaı kópiri», Josaly kentinde «Qarmaqshy ótkeli», Qyzylorda qalasyna qarasty Abaı aýylynan joǵary «Ospan kópiri», Qazalydaǵy «Nurqoja kópiri» - el jadynda qalǵan tarıhı jádigerler. Búginde biz ata-babamyzdyń kópir salý dástúrin zamanaýı úlgide jańǵyrtyp, damytyp kelemiz. Sonyń bir dáleli retinde Syrdarııanyń qos jaǵalaýyn baılanystyryp, jańa qalanyń qurylysyna jol ashqan záýlim kópirdi aıtýǵa bolady», - dedi oblys ákimi.
Dál osy kúni Qazaly aýdanynyń ortalyǵy - Áıteke bı kentinde kópqabatty turǵyn úı el ıgiligine aınaldy. Saltanatty rásim barysynda 18 turǵynǵa úıdiń kiltin tabys etildi. 18 páterli kópqabatty 6 turǵyn úıler «Nurly jer» baǵdarlamasy arqyly júzege asyryldy. Turǵyn úılerdi halyqqa berýde negizinen ata-anasynyń qamqorlyǵynsyz qalǵan balalar, áleýmettik osal top jáne kópbalaly otbasylarǵa basymdyq berildi.
Buǵan deıin qyzylordalyq dıqandar Eńbek Eri Sálıma Jumabekovaǵa kólik mingizgeni habarlanǵan bolatyn.