Qazalyda Syr óńirine belgili tulǵa - E.Kósherbaevty eske alýǵa arnalǵan týrnır bastaldy - Qyzylorda oblysy
QYZYLORDA. 26 qarasha. QazAqparat /Jańagúl Serdaly/ - Qyzylorda oblysy Qazaly aýdanynyń ortalyǵy - Áıteke bı kentinde kezinde oblystyń úsh aýdanyn basqarǵan kórnekti tulǵa Eleý Kósherbaevtyń jarqyn esimin eske alýǵa arnalǵan grek-rım kúresinen respýblıkalyq týrnır bastaldy.
Ol eki top boıynsha, 1994-1996 jáne 1997-1998 jyldary týǵan balǵyndar arasynda ótýde. Munda Astana, Taraz, Aqtóbe, Túrkistan, Shymkent jáne Qyzylorda qalalarynan kelgen 260 jas sportshy jergilikti talapkerlermen birge júldelerdi sarapqa salýda. Bıyl qatarynan besinshi jyly ótip otyrǵan týrnır úsh kúnge sozylyp, 28 qarasha kúni aıaqtalady.
